Láta þessa byggingu í friði..........

Tel við ættum að láta þessa byggingu standa eins og hún er, gera hana mannhelda en klára helsta umhverfi hennar - geyma þetta kýli okkur sjálfum til varnaðar næstu árin

Vinnu við Tónlistarhúsið frestað

Athugasemdir

[S. Lúther Gestsson, 5.1.2009 kl. 19:35]

Þetta hús er náttúrulega stórglæsilegt fullbúið. Það að láta það standa óklárað á eftir að verða okkur til afturfarar. Staðreyndin er sú held ég að þetta hús er hægt að nota gríðarlega mikið við uppbyggingu á þjóðfélaginu.

Ég segi klárum húsið sem fyrst.

[Jón Snæbjörnsson, 5.1.2009 kl. 21:50]

sæll Lúther - sammála þér en þetta er ekki eitt af forgangsmálunum

[S. Lúther Gestsson, 5.1.2009 kl. 22:26]

Eitt af því sem ekki verður samdráttur í á næstu misserum er ferðamannastraumur til Íslands. Það að við höfum húsið tilbúið sem fyrst á eftir að vekja heimsathygli, Sú athygli á eftir að verða okkur til góðs. þetta hús á eftir að verða þéttsetnara enn margur grunar.

Við skulum átta okkur á því að nú þegar leggja heimsþekktir listamenn leið sína til Íslands á hverju ári, Íslandsför þessa listamanna er partur af ársprógrammi þeirra. Með þessu húsi eiga þeir eftir að senda heimsbyggðina á eftir sér til Íslands.  því nú geta þeir gert eitthvað annað en að kasta flugu í árnar.

Ég veit ekki hvað ætti að hafa meiri forgang.

[Ólafur Þórðarson, 5.1.2009 kl. 22:57]

Hvernig reikna menn út að það verði svona þéttsetið? Hvað eru margir í sæti, og hvað fljúga margir ferðamenn til Íslands á hverjum degi?

Svo fer nú eftir hvernig til tekst hvort það veki svona voða athygli. Það er eitt að byggja, annað að lesa út úr húsi þegar það búið er að tengja klósettin og opna sælgætissöluna.

[Jón Snæbjörnsson, 6.1.2009 kl. 08:10]

Það er magt sem manninum langar í og höfum við reynslu af slíka þ.e. að taka bara lán ef það er eina lausnin / mikill vill meira - veit ekki með þetta RISA stóra verkefni - svo þarf að reka það líka og það kostar víst sitt líka - við eigum í dag ágætis leikhús og listahús sem oft eru hálf-tóm

[Frosti Heimisson, 6.1.2009 kl. 14:18]

Nei Jón... þetta hús á að klára.  Við eigum ekki að láta afglöp annarra stöðva uppbygginguna og drepa eldmóðinn.  Að auki er léttara en nokkurn tíma áður að selja þetta hús undir viðburði og ráðstefnur.  Ísland þarf að eiga svona hús!