Bankar frysti myntkörfulán ?

Ríkisstjórnin hefur beint þeim tilmælum til hinna nýju ríkisbanka að þeir frysti afborganir og vexti af myntkörfulánum tímabundið, sé þess óskað, þar til eðlileg virkni kemst á gjaldeyrismarkaðinn. Ennfremur að ekki verði sérstakrar greiðslu krafist af viðskiptavinum vegna þessa. 

Mælst er til að bankarnir krefji viðskiptavini ekki um frekari tryggingar né láti nýtt greiðslumat fara fram vegna tímabundinnar frystingar á myntkörfulánum.

Þá vekur ráðuneytið athygli viðskiptavina nýju bankanna á því að þeir geti óskað eftir frystingu á myntkörfulánum, óháð efnahag sínum.

Í tilmælunum var því einnig beint til ríkisbankanna að þeir bjóði viðskiptavinum sínum í greiðsluerfiðleikum upp á sams konar úrræði og Íbúðalánasjóður hefur gert. Er þess vænst að önnur fjármálafyrirtæki veiti sömu fyrirgreiðslu.

Fjármálaráðherra mun á næstu dögum leggja fram á Alþingi frumvarp til breytingar á lögum um stimpilgjöld, þar sem lagt er til að skjöl sem gefin eru út á tímabilinu frá gildistöku laganna til 1. janúar 2009 og fela í sér breytingar á skilmálum á fasteignaveðskuldabréfum einstaklinga verði undanþegin greiðslu stimpilgjalda.

 

Geta þessi menn ekki talað tæpitungulaust - er það ekki það sem við þurfum ekki einhver tilmæli sem ekki er farið eftir nema af geðþótta - svona taka af skarið þið sem viljið ráða !!

Bankar frysti myntkörfulán

Athugasemdir

[Guðmundur (IP-tala skráð) 22.10.2008 kl. 16:52]

Ég vil að sama verið látið yfir alla ganga og vil því geta óskað eftir því að verðtryggða íbúðalánið mitt, sem ég tók hjá Landsbankanum í íslenskum krónum verði einnig fryst.

Ég tók íbúðalán í íslenskum krónum miðað við 2,5-3% verðbólgumarkmið Seðlabankans. Nú er verðbólgan vel á annan tug prósenta og mun sennilega bara hækka á næstu misserum. Það er því engin sanngirni í því að aðeins þeir sem eru með myntkörfulán geti fengið sín lán fryst vegna óhagstæðs gengis. Með hárri verðbólgu bætist hratt við höfuðstólinn á mínu láni og það er varanlegt. Frá því ég tók lán fyrir fjórum árum hefur höfuðstóllinn hækkað um tæpar 6 milljónir króna og afborganirnar í takt við það.

Þegar gengi íslensku krónunnar kemst aftur í þokkalegt horf, þá geta eigendur frosinna myntkörfulána tekið gleði sína á ný en þeir sem tóku verðtryggð íbúðalán í íslenskum krónum munu líklega að endingu glata fjárfestingum sínum.

Því segi ég; frystið öll íbúðalán, eða engin!

[Svíi (IP-tala skráð) 22.10.2008 kl. 16:54]

Ég spyr samt. Hvað með afnám verðtryggingu á innlendum lánum? Af hverju er verið að hygla þeim sem tóku áhættu í erlendum lánum (sem ganga til baka um leið og krónan styrkist) en hugsa ekki um þá sem tóku innlend lán og bíða aldrei þess bætur að hafa orðið fyrir þessum hækkunum á vísitölum sem hafa átt sér stað og eiga eftir að eiga sér stað næstu mánuðina? Innlendu lánin ganga aldrei til baka nema komi til meiriháttar verðhjöðnun, sem gerist alrei.

Ríkisstjórnin vakni !!!!!!!!!!

Kv. Svíi

[Jón Snæbjörnsson, 22.10.2008 kl. 20:48]

vissulega á jafnt yfir alla að ganga

[Tori, 23.10.2008 kl. 01:37]

Við búum við lélega stjórnmálamenn hvar í flokki sem menn eru. Það er nauðsynlegt að hjálpast að.Þeir sem sýnt hafa fyrhyggju draga hina að landi. Er það ekki sem Ísland snýst um? Frysta erlend lán og afnema verðtryggingu er liður í þessu.

Verðtrygging er jú Þannig að annar aðilinn er með allt sitt á þurru en hinn ekki. Það á að vera hvati í þjóðfélaginu til þess að fólk noti peninga af skynsemi. Verðtrygging kemur í veg fyrir það.