.. auðvitað á að rukka ..

hvaða hræðsla er þetta eiginlega .... viðast hvar í útlöndum borga menn möglunarlaust og því ekki hér .. ríkið sinnir ekki hlutverki sínu svo mikið er víst !

jú rukka og helst þúsunkall ekki spurning

Ríkið mun bregðast við gjaldtöku

Athugasemdir

[Tómas Ibsen Halldórsson, 12.2.2014 kl. 10:24]

Ég er þér hjartanlega sammála Jón, auðvitað eiga þeir sem sjá um svæðið að fá tekjur til að geta séð um öryggi, geta bætt aðstæður og lagfært það sem miður fer vegna átroðstu þeirra sem koma til að njóta náttúrunnar.

Náttúrupassi sem verið hefur í umræðunni er tímaskekkja. Slíkur passi mun aðeins auka tekjur ríkissjóðs og útdeiling úr þeim sjóði sem þar myndast mun aldrei dreifast á réttlátan hátt til þeirra sem á þurfa að halda.

[Kristján Bjarni Guðmundsson, 12.2.2014 kl. 10:35]

Vandamálið er að þetta er einkafyrirtæki sem þýðir að það þarf ávalt að skila miklum arði til eiganda sem þýðir að meirihlutinn af þessum peningum mun ekki fara í uppbyggingu svæðisins heldur í vasa eigandanna.

[Stefán Þ Ingólfsson, 12.2.2014 kl. 10:57]

Að sjálfsögðu verður það ríkið sem mest græðir á þessari gjaldtöku eins og venjulega, það þarf að skila af þessu opinberum gjöldum eins og virðisaukaskatti ofl og þeir peningar munu aldrei skila sér aftur til atvinnugreinarinnar.

[Tómas Ibsen Halldórsson, 12.2.2014 kl. 10:58]

Nei Kristján Bjarni, vandamálið er öllu heldur það að landeigendum hefur verið fyrirmunað að fá tekjur til að viðhalda göngustígum, merkingum og öðrum öryggis atriðum. 

Hóflegt gjald eins og landeigendur gera ráð fyrir, ætti bara að geta gert þeim kleift að gera svæðið meira aðlaðandi fyrir ferðamenn.  Slík gjaldtaka er ekki óalgeng erlendis og þeir ferðamenn sem hingað koma til að njóta náttúrunnar eru ekki óvanir því að þurfa að borga fyrir sig.

[Björn Ingi Jónsson (IP-tala skráð) 12.2.2014 kl. 23:27]

En hvað með fyrirtækin sem eru með fastar ferðir þangað nánast 365 daga ársins. Er ekki eitthvað sem skilar sér í kassann af þeim ferðamönnum sem fara með þangað með þeim?

[Kristján Bjarni Guðmundsson, 13.2.2014 kl. 12:41]

Tómas Ibsen Og hvað er það sem á að koma í veg fyrir að þetta einkafyrirtæki taki einfaldlega allann þennan pening sem gróða og setji lítið sem ekkert í viðhald? Ætlarðu bara að treysta á að allir séu voða "góðir"? Eins og treyst var á að allir væru voða góðir í einkabönkunum fyrir hrun? Hlutverk einkafyrirtækis er að græða peninga fyrir eigendur og ekkert annað og þar sem þeir eru með einkaleyfi á Geysi þá er ekki eins og almenningur geti valið eitthvað annað fyrirtæki til að versla við.