"Fengur" fyrir Garðbæinga ... ?

vinnumenn ... Álftnesingar í störf hjá Garðbæingum .... ýmis tilfallandi verk .. garðslátt .. mosahreinsun ... oþh ...eða hvað ?

Verða að sameinast Garðabæ

Athugasemdir

[Elías Bjarnason (IP-tala skráð) 24.5.2012 kl. 12:01]

Sæll Jón

Svona áður en þú heldur áfram með ,,fabúleringar'' um ,,atvinnutækifæri'' fyrir Álftnesinga, þá legg ég til að þú kynnir þér málavöxtu.

Skattekjur per íbúa 2010 á skv. Árbók Íslenskra sveitarfélaga;

Álftanes: 504.775

Garðabær: 453.704

Seltjarnarnes: 441.351

Eftir óráðsíu vinstrimanna, sem náðu meirihluta í kosningunum 2006 (munaði 3 atkvæðum) var staða bæjarsjóðs neikvæð uppá nokkurhundruð milljónir strax í lok árs 2007. Fram til 2006 hafði Álftanes verið meðal 7 best reknu sveitarfélaga landsins skv. lista Vísbendingar-tímarits um fjármál, sem oft er vitnað til. Sem betur fer hefur tekist að snúa við rekstri eins og fram hefur komið. Það má þakka traustri stjórn Sjálfstæðismanna sem náðu aftur hreinum meirihluta íkosningunum 2010. Að undangenginni skoðanakönnun vorið 2010 var ákveðið að óska eftir viðræðum við Garðabæ, sem skoraði hæst (44%) í skoðankönnunni. Þær viðræður hafa gengið vel og sú mikla vinna sem Fjárhaldstjórn og bæjarstjórn hafa staðið í frá því að Sjálfstæðismenn komu aftur að stjórn sveitarfélagsins hefur skilað því að náðst hafa samningar við all lánadrottna. Samningar þessir eru skilyrtir, þ.e. þeir ganga eftir ef af sameiningu verður. Ef ekki næst sameining við Garðabæ, má fastlega búast við því að ráðherra skikki Reykjavíkurborg til að taka yfir Álftanes, því ljóst má vera að ekki er rekstrargrundvöllur fyrir sveitarfélagið Álftanes miðað við núgildandi lög, sem kveða á um að skuldir og skuldbyndingar megi ekki fara yfir 250% af tekjum. Eftir þá samninga sem Álftnes hefur náð við lánadrottna verður skuldahlutfallið í kringum 225%, en sem fyrr segir, eru þeir samningar skilyrtir. 

Áætlanir gera ráð fyrir að skuldahlutfall sameinaðs sveitarfélags verði komið niður fyrir 70% innan 5 ára, sem verður þá með því lægsta ef ekki lægsta hlutfall á meðal íslenskra sveitarfélaga. Allar þessar staðreyndir verða nánar kynntar þegar umræðum verður lokið í Sameiningarnefnd og bæjarstjórnum (að því gefnu að Sameingarnefndin gefi frá sér jákvætt álit á sameiningu). Ef svo fer, sem fastlega er búist veið, verða tvennar umræður um málið í bæjarstjórnum og síðan verður boðað til íbúakosninga um sameiningu, að undangengnu kynningarferli. Búast má við að kosning verði í október og ef samþykkt, þá verði formleg sameining um áramót 2012-2013.

Bkv.

Elias

[Jón Snæbjörnsson, 24.5.2012 kl. 14:23]

Sæll Elías, setti þetta nú fram í "gríni" .... það hefur víst hver sinn "djöful" að draga .. við Seltirningar þökkum fyrir að hafa sloppið þolanlega þó svo að þar hafi verið sjálfstæðismenn við stjórn.

Einhvern daginn kemur kanski að því að Seltjarnarnes sameinist Reykjavík, verði það þá ekki af ástæðum eins og stefnir í með Áftnesinga heldur með fullri vitund og samþykki. 

mbkv

Jón

[Elías Bj (IP-tala skráð) 24.5.2012 kl. 16:13]

Sæll aftur.

 Þóttist nú vita það að að baki byggi góðlátlegt grín:)

Þetta hefur hinsvegar ekki verið neitt grín fyrir okkur sem búum á Álftanesi, eins og gefur að skilja. En sem betur fer, þá hefur tekist að ná tökum á rekstri sveitarfélagsins og þorri íbúa staðið að baki bæjarstjórn í óvinsælum og íþyngjandi ákvörðunum. Það að fá svo yfir sig helstjorn JS og Co í kjölfar óstjórnar Á-lista og Sigurðar Magnússonar fyrrv. bæjarstjóra, hefur nú ekki orðið til að bæta neitt! En ,,öll él styttir upp um síðir'' stendur einhverstaðar skrifað og við getum ekki annað en reynt að vera bjartsýn á framtíðina.

bkv.

Elias