Þakka pent og segji Nei takk .........

Á árunum 2009–2010 greindust 60 börn og ungmenni með drómasýki í Finnlandi. Um er að ræða afar sjaldgæfan taugasjúkdóm sem lýsir sér sem óeðlilega mikil og skyndileg dagsyfja samfara miklum slappleika. Nokkur tilfelli hafa greinst hér á landi frá því á síðasta ári. 

Á sama tíma er Landlæknir að hvetja til þess að allir allir íslendingar láti bólusetja sig með þessu ..... neiiiii þetta vil ég ekki

Líkur á að svínaflensulyf eigi þátt í svefnsýki

Athugasemdir

[Jóhann Elíasson, 2.2.2011 kl. 10:11]

Dóttir kunningja míns fékk þennan óþverra, eftir svínaflensusprautuna.  Þessi stelpa var mjög klár og skólann tók hún áður eins og að drekka vatn,  yfirleitt var hún með níu og tíu í öllum fögum en átti það til að detta niður í átta en þetta er liðin tíð.  Nú má hún ekki vera með bílpróf, hún bara dettur út af sofandi hvar og hvenær sem er og má bara þakka fyrir að standast þau próf sem hún fer í.  Eftir að hún var greind var hún sett á einhver amfetamínskyld lyf, til að vinna aðeins gegn þessu (hún er orðin löggiltur dópisti).  Þarna er einstaklingur sem átti sér glæsta framtíð, allt að því rifinn út úr samfélaginu og framtíð þessarar stúlku er vægast sagt dökk.  Og svo er hvatt til þess að fleiri feti þessa slóð ég segi eins og þú NEIIII TAKK.

[Magnús Sigurðsson, 2.2.2011 kl. 10:48]

Ég er sammála þér Jón.  Ég set stórt spurningamerki þegar lyf eru annars vegar og dettur ekki til hugar að fara í bólusetningu við umgangspestum þar sem maður veit í raun ekkert um það efni sem dælt er í mann.  Þegar maður er fárveikur á maður náttúrlega ekki annan kost en að treysta læknum.

Ég verð að segja eins og er að mér finnst frásögnin hjá Jóhanni hérna að ofan vera svakaleg.  Dóttir mín 22 ára vann hjá heilbrigðisstofnun þegar bólusetningafárið gekk yfir haustið 2009.  Hún kom sér undan bólusetningu en það þurfti lævísi til þvílík var pressan á fólk í hennar starfi.  Það setur að manni óhug ef það er tilfellið að hægt sé að rekja tilfelli eins og Jóhann segir frá til þessa bóluefnis.  Þó svo að það væri ekki nema eitt tilfelli.

[Jóhann Elíasson, 2.2.2011 kl. 11:00]

Því miður er þetta staðreynd.  Mér skilst að tilfelli þessara stúlku sé óvenju slæmt en þetta er víst ekki eina tilfellið hér á landi, ég þekki það ekki nógu og vel til að fullyrða nokkuð en ég tek undir með Magnúsi, EITT TILFELLI ER OF MIKIÐ.........

[Anna Guðný , 2.2.2011 kl. 12:13]

Mæli með því að þið lesið líka:

http://www.pressan.is/Frettir/LesaFrett/einstaed-modir-med-svinaflensu-var-naestum-dain---viljidi-hlusta-a-landlaekni-og-lata-sprauta-ykkur

[Jón Snæbjörnsson, 2.2.2011 kl. 12:45]

ekki nein gleðilesning Anna Guðný - ekki nokkur hefur þó varað við því sem hér að ofan er skrifað og er því miður staðreynd í okkar samfélagi.

[Tinna Gunnarsdóttir Gígja, 2.2.2011 kl. 14:55]

Dóttir mín 22 ára vann hjá heilbrigðisstofnun þegar bólusetningafárið gekk yfir haustið 2009.  Hún kom sér undan bólusetningu en það þurfti lævísi til þvílík var pressan á fólk í hennar starfi.

Dóttir þín vann hjá stað sem væntanlega er mikið sóttur af bæði smitberum og fólki með skert ónæmi, ákvað að sleppa því að láta bólusetja sig gegn hlut sem líklegt er að hún komist í snertingu við og sem er hættulegastur fólki með skert ónæmi... mikil hetja það. Ætli hún hafi náð að gera einhvern veikan með þessu mikla hugrekki sínu?

 EITT TILFELLI ER OF MIKIÐ.........

En eitt tilfelli þar sem einhver deyr af völdum flensu sem hægt hefði verið að koma í veg fyrir með bólusetningum? Er það bara fínt? Hversu margir þurfa að deyja til að þú teljir það réttlætanlegt að bólusetja fólk?

[Steinunn (IP-tala skráð) 2.2.2011 kl. 15:12]

Mikið er ég sammála Tinnu!

Held að fólk átti sig ekki á því hvað bóluefni þurfa að fara í gegnum marga múra áður en þau eru samþykkt! 

Bóluefni eru meinlaus og væru ekki notuð ef svo væri ekki! Eins og með lyf eru oft aukaverkanir í einstaka tilfellum. En, það er ekki betra að það verði heimsfaraldur úr skæðri flensu og að þúsundir og jafnvel milljónir manna deyji ! 

Lyfjafræðingar gera eins og vel og hægt er þegar það er verið að búa til lyfin! 

[Nonni, 2.2.2011 kl. 15:37]

Nákominn ættingi minn fékk drómasýki í kjölfar svínaflensusmits á heimili sínu. Hann hafði ekki fengið neina bólusetningu og fékk sem betur fer eingöngu væg einkenni flensunnar öfugt við þessa aumingja konu í pressunni.

En þar sem þessi einstaklingur hafði ekki fengið bóusetningu, er þá ekki líklegra að svínaflensuveiran sjálf frekar en önnur efni í bóluefninu geti valdið þessu hjá næmum einstaklingum? Eins og öll bóluefni þá inniheldur svínaflensubóluefnið "vönkuð" eintök af veirunni, og því hefur fólk tengt þetta við bóluefnið.

Þannig að hefðu þessir einstaklingar ekki fengið bólusetningu, en fengið svínaflensuna (eins og mjög margir í kringum mig gerðu) hefðu þeir *sam sem áður* fengið drómasýki og hugsanlega hættulega svínaflensu í kaupbæti í stað drómasýkinnar eingöngu.

Nú er spurning: Hefðu þessir einstaklingar hugsanlega getað komist hjá því að fá veiruna yfirhöfuð, og þar með komist hjá drómasýkinni? Það er hugsanlegt. Á móti verður að skoða það að því fleiri sem fá bólusetningu, þeim mun færri smitberar eru á ferli í þjóðfélaginu, og því minnka líkurnar á að komast í kast við smit.

[Magnús Sigurðsson, 2.2.2011 kl. 17:59]

Það dó engin úr svínaflensu þarna Tinna mín hún kom ekki einu sinni upp.  Þú getur sleppt dramatíkinni þess vegna.