Segjum okkur frá Schengen ..........

hefðum vissulega aldrei átt að ganga inn í þetta "bandalag" svokallaðra Schengen-ríkja

nýtum okkur hnattlegur lands okkar sem eyþjóð til að komast undan þessu eða vegur þyngra að komast í erlendar nefndir og fá að taka þátt í einhverskonar PTN samstarfi með meiru.

Ólöglegir innflytjendur njóta aðstoðar frá Íslandi

Athugasemdir

[Finnur Bárðarson, 8.7.2010 kl. 14:58]

Það myndi því miður koma verst niður á okkur sem þurfum að bregða okkur erlendis af og til.

[ThoR-E, 8.7.2010 kl. 15:00]

Mjög sérstakt að glæpamenn frá a-evrópu geta komið hingað til lands án nokkura vandræða og brotið af sér ítrekað.

Á meðan er t.d flóttamenn í miklum vandræðum að fá hér dvalarleyfi, afþví að þeir eru frá löndum utan Schengen.

Held að það þurfi að endurskoða þetta og forgangsraða hlutunum á eðlilegri hátt.

[Jón Snæbjörnsson, 8.7.2010 kl. 15:11]

Finnur, en við sem eyþjóð í miðju Atlantshafi eigum lítið sameiginlegt með flestum þessara ríkja - hér eru landamærin himinn og haf sem aðskilur okkur frá svo mörgu og við ættum frekar að nýta okkur í að rækta "sjálf" okkur til góðra verka 

AceR, við ættum að blanda okkur varlega í allt sem heitir flóttamenn oþh - drífa í því að fækka þessum bírokrötum - las í fréttum i gær að við erum með sendiráð í Króatíu ? ekki er nú öllu fé vel varið

[Globetrotter (IP-tala skráð) 8.7.2010 kl. 15:14]

Kemur náttúrulega verst við það fólk sem er á sífeldu flakki til útlanda. 

En í eigingirnd minni þá vil ég loka landinu sem mest, svokallaðir "flóttamenn" eru í  flestum tilfellum bara glæpamenn sem eru að flyja réttvísina einhverstaðar.

Kv.Globetrotter

[The Critic, 8.7.2010 kl. 15:16]

já því við erum eyþjóð þá er um að gera að einangra okkur ennþá meira en við nú erum. Shengen er mikið umfangsmeira en þú ert að gera þér grein fyrir.

[Kolbrún Hilmars, 8.7.2010 kl. 15:18]

Já, þetta Schengen samkomulag hefur ekki reynst okkur vel. Við erum skuldbundin til þess að hleypa eftirlitslaust inn óþjóðaliði frá ESB á sama tíma og okkur er gert að úthýsa góðu fólki annars staðar frá.

Finnur, ég man þá tíð að hafa getað ferðast þegar mér sýndist (bókstaflega hoppað upp í flugvél!) til allra Norðurlandanna án skilríkja - það er nú orðið ÞÁ-tíð. Nú kæmist ég ekki einu sinni í kaffiteríuna í Leifsstöð án þess að veifa vegabréfi.

[Jón Snæbjörnsson, 8.7.2010 kl. 15:26]

Snýst nákvæmlega ekkert um að einangra sig - miklu frekar að búa sér til sérstöðu í hinum venjulega heimi, landi og íslensku samfélagi og þjóðfélagi til styrktar um lengri tíma litið.

Eins og Kolbrún kemur réttilega inn á - við erum sjálf að setja okkur í vandræði með þessu öllu og getum vart um "frjálst" höfuð strokið án vegabréfs sem við þurfum að veifa í tíma sem og ótíma til að komast leiðar okkar - "af sem áður var"

[The Critic, 8.7.2010 kl. 15:52]

Á hvaða plánetu ert þú Kolbrún? Í dag geturðu hoppað upp í flugvél til allra  ESB og EES landa án þess að taka með þér vegabréf (að Bretlandi og írlandiundanskildu). Þarft aðeins gilt skilríki eins og t.d. ökuskírteini þannig að ekki veit ég hvað þú ert veifandi vegabréfinu þínu út um allar jarðir,  flestir íslendingar þurfa ekki einu sinni að eiga vegabréf, þökk sé Schengen. Sjálfur tek ég vegabréfið aldrei með þegar ég ferðast innan Evrópu, enda algjör óþarfi.

Einnig veit ég ekki hvaða góða fólki þú ert að tala um að sé úthýst vegna Schengen, það er einmitt vegna Schengen sem óþjóðaliður frá löndum utan Schengen er stöðvaður en góða fólkið fær að koma. Nema þú kallir óþjóðalíðin gott fólk.

[V. Jóhannsson (IP-tala skráð) 8.7.2010 kl. 16:05]

Ólöglegir innflytjendur njóta aðstoðar frá Íslandi - " Hverjir eru þessir ólöglegu innflytjendur og hverjir á Íslandi aðstoða þá? Eru þetta vinstrisinnaðir fáráðlingar að hjálpa múslimum eða afbrotamenn að aðstða glæpalýð frá austur Evróp? Kannski hvortveggja. Það væri nú í lagi að fá nánari upplýsingar, því þetta er staðhæfing og það alvarleg.

[Vendetta, 8.7.2010 kl. 16:16]

Andskotans fordómar eru þetta í þér, Critic. Ég þekki fullt af heiðarlegu fólki sem kemur frá löndum utan Evrópu, m.a. Rómönsku Ameríku, sem hefur verið neitað um dvalarleyfi hér og vísað úr landi fyrir engar sakir. Í staðinn hafa þúsundir Pólverja og Litháa verið boðnir velkomnir, sem síðan fóru rænandi og ruplandi um allt land og berjandi fólk til óbóta. Er það það sem þú vilt?

Schengen-kerfið er annað og meira en eftirlit með fólki utan Evrópu sem er sem er alveg réttindalaust á Schengen-svæðinu. Schengen og SIS-gagnagrunnurinn inniheldur flestallar upplýsingar um alla borgara á svæðinu og er upplagt til að njósna um venjulega borgara í pólítískum tilgangi í bezta Big Brother-stíl. Líka eru dæmi til um það að það hafa verið rangar upplýsingar um fólk í kerfinu og það stöðvað á flugvöllum að ósekju.

Schengen-kerfið lætur starfsfólk í Leifsstöð vinna skítverkin fyrir USA og Kanadamenn. Hvað ætti það að varða okkur þótt einhver transit-farþegi fari til USA eða Kanada á fölskum forsendum? Hvað ætti það að koma okkur við? Ég veit að mér er andskotans sama. Ég aðhyllist frekar það að mikið fleirum verði hleypt inn í USA og þeir sem eru þar ólöglega, en eru með atvinnu, fái þar dvalarleyfi.

[Gestur Halldórsson, 8.7.2010 kl. 16:22]

Hver getur hoppað upp í flugvél án þess að sanna eignarétt sinn á flugmiða, og þá gilda ekki íslensk nafnskírteini nema þú getir sannað að íslenska nafnskírteinið sé þitt með alþjóðlegum pappír s.s. Vegabréfi í erlendum flughöfnum.

Segjum okkur frá Schengen-kerfinu.

[Kolbrún Hilmars, 8.7.2010 kl. 16:32]

Ég held að Critic þekki ekki muninn á því hvernig þetta var hér áður en Schengen kom til.

OK, Critic! Ef þú býrð í Rvík og ákveður að morgni að skreppa norður á Akureyri til þess að hitta kærustuna, hvað gerir þú fyrst? Jamm, þú hringir í Flugfélagið og spyrð um hvenær sé næsta flug og hvort þar séu laus sæti.

Nú - næsta vél er í hádeginu og það er nóg af lausum sætum. Þá pakkar þú niður tannburstanum, sokkum og nærbuxum til skiptanna í handtösku, mætir kortéri fyrir flug, borgar miðann og HOPPAR svo upp í flugvélina.

Þannig fórum við að, gamlingjarnir, ef við vildum "hoppa" til Köben, Oslo eða Stokkhólms til þess að hitta ástvini. Ekkert vesen!

[Gestur Halldórsson, 8.7.2010 kl. 16:33]

ps.   Það er einmitt vegna Schengen-sáttmálans sem óaldalýður innan Schengen er ekki stöðvaður og sendur til baka.

[Kolbrún Hilmars, 8.7.2010 kl. 17:18]

Einmitt, Gestur. Þetta Schengen hefur ekki skapað okkur íslenskum neitt annað en vandræði. Mest vorkenni ég unga fólkinu okkar sem aldrei mun kynnast raunverulegu millilanda-ferðafrelsi.

[Vendetta, 8.7.2010 kl. 17:29]

Það er rétt hjá Gesti, að reglur segja til um á Schengen-svæðinu getur lögregla stöðvað hvern sem er hvenær sem er og krafizt framvísun á vegabréfi, ekki aðeins við landamæri, til að sýnt sé fram á að viðkomandi sé annað hvort borgari í Schengen-landi eða dveljist löglega á svæðinu. Þannig er löggæzlan orðin eins og í Suður-Afríku á tímum apartheid eða í Arizona-ríki í USA.

Íslenzkt nafnskírteini er ekki jafngilt vegabréfi. Aðeins fáein lönd gefa út skírteini sem jafngildir vegabréfi. Og það vita allir, að vegabréfum verður að vísa í öllum flughöfnum í veröldinni. Það er ekki hægt að fara í neinar flugferðir vegabréfalaust, nema hvað borgarar vissra landa geta ferðast vegabréfalaust milli ákveðinna landa, t.d. geta Írar ferðast milli UK og Éire vegabréfalaust, en þeir verða þá að vera með sérstök skilríki. Við erum þá að tala um flugferðir.

Hins vegar er hægt að fara yfir öll landamæri á Schengen-svæðinu í bíl, án þess að sýna vegabréf, enda hafa þau verið galopin síðan 2001. Þannig að eins og Gestur bendir á, þá geta afbrotamenn ferðast óáreittir milli allra landa á svæðinu, sem hefur í mörgum löndum verið pólítískt þrætuepli. En samt sem áður gilda reglurnar um að lögreglan geti stöðvað mann hvenær sem er og krafizt vegabréfs, þótt hættan á því sé ekki mikil utan flughafnanna.

Davíð Oddsyni rataði einu sinni rétt orð á munn þegar hann sagði um Schengen, að það væri heimskulegt kerfi þar sem fólk neyðist til að bera á sér vegabréf allan tímann til að geta sannað, að það þurfi ekki vegabréf.

[Vendetta, 8.7.2010 kl. 17:33]

Dæmið um UK og Éire sem ég nefndi nú síðast á að sjálfsögðu ekki við í umræðunni um vegabréfaleysi, þar eð Bretand er ekki með í Schengen (af skiljanlegum ástæðum).

[ThoR-E, 8.7.2010 kl. 17:34]

Síðast þegar ég fór til Kaupmannahafnar tók ég aðeins ökuskýrteinið mitt með og komst út og aftur heim með því að framvísa því.

Vissulega þægilegt en mig hefði ekkert munað um að taka vegabréfið með í staðin, en það var heima í skúffu.

Ég væri alveg reiðubúinn til að taka frekar með mér vegabréfið í framtíðinni, ef það yrði til þess að hingað gætu ekki komið óaldarlýður sem kemur í þeim eina tilgangi til að brjótast inn og valda vandræðum.

Kostir og gallar .......................

[Vendetta, 8.7.2010 kl. 17:44]

Ég vil benda á að Schengen er samtvinnað EES/ESB, þar eð landamæralaus Evrópa er grundvallaratriði í markmiðum samrunasinnanna í Bruxelles. Hvort þeim síðan takist að afmá sérkenni minni þjóða til lengri tíma litið, er óvíst. Ég vona þó ekki. Ég myndi ekki vilja upplifa, að Danmörk og Holland yrðu þýzkari en þegar er orðið. Og mér hrýs hugur við því að frönskumælandi Belgar (Vallónar) fari að líkjast Frökkum of mikið.

En nú er ég kominn út fyrir efnið, ens og vanalega.

[Vendetta, 8.7.2010 kl. 17:47]

Hvenær fórstu síðast til Kaupmannahafnar, AceR?

[Kolbrún Hilmars, 8.7.2010 kl. 17:56]

Hér áður fyrr þurftum við aldrei að sýna skilríki á ferðalagi til Köben. Auðvitað tókum við með ökuskírteinið ef okkur dytti í hug að leigja bíl og vegabréfið ef við vildum kaupa ódýra helgarferð til Ítalíu í leiðinni.

En ég tek undir með AceR, ef ég þarf að skipta út ferðafrelsinu fyrir aðhald með erlendum glæpalýð, þá fórna ég ferðafrelsinu!

Þó segi ég; mikið skolli er þetta Schengen dýrkeypt!

[The Critic, 8.7.2010 kl. 19:27]

Kolbrún: Schengen er millilanda ferðafrelsið! Þú þarft aðeins að sýna gilt skilríki útgefið að ríkinu í flughöfninni afþví að það eru reglur flugfélagsins að fólk sé ekki að fara út á miða annarra. Það eru ekki reglur Schengen!

Án Schengen þyrftirðu að fara í gegnum landamæra eftirlit t.d. við komuna til Danmerkur þar sem landamæravörður skannar vegabréfið þitt. Einnig þyrftirðu að fara í gegnum eftirlit þegar þú færir frá ísland þar sem vegabréfið væri skannað. Þannig er þetta ekki í dag, við getum hoppað upp í flugvél ef okkur dettur það í hug svo lengi sem við erum með veskið á okkur sem inniheldur hjá flestum ökuskírteinið. 

Vendetta: Bullið í þér er með ólíkindum, lögreglan getur ekki stöðvað þig og beðið um vegabréf. Hinsvegar þarftu að geta gert grein fyrir þér með gildum persónuskilríkjum, sú regla er í flestum löndum og þar á meðal íslandi! Það þarf enginn að bera vegabréfið á sér, ökuskírteinið sem við höfum á íslandi er ESB  ökuskírteini sem er tekið gilt sem persónuskilríki í öllum evrópulöndunum.

[ThoR-E, 8.7.2010 kl. 20:25]

Vendetta: Nokkur ár :)

[Kolbrún Hilmars, 8.7.2010 kl. 20:39]

Critic, ég gæti verið langamma þín í ferðafrelsismálum!

En ef þú fellir þig við ástandið eins og það er nú - þá er það hið besta mál. Enginn saknar þess sem hann þekkir ekki.

[Vendetta, 9.7.2010 kl. 13:48]

Critic, það ert þú sem ert með þvætting: Ertu viss um að þú sért ekki kalkaður og lifir í fortíðinni?

[Vendetta, 9.7.2010 kl. 15:00]

Þó er hugsanlegt, að eitthvað hafi breytzt í því sambandi sl. 1 - 2 ár og ef ég kemst að því að ég hafi rangt fyrir mér, þá mun ég að sjálfsögðu viðurkenna það.

[Vendetta, 9.7.2010 kl. 16:29]

Nei. Ég hafði rétt fyrir mér. Á vefsíðu Utanríkisráðuneytisins varðandi ferðalög Íslendinga til annarra landa stendur:

4.      Vegabréf

Íslenskir ríkisborgara skulu ávallt hafa vegabréf meðferðis þegar ferðast er til og frá Íslandi.  Íslenskum ríkisborgurum er þó heimilt að fara beint til og koma beint frá Danmörku, Finnlandi, Noregi og Svíþjóð án þess að hafa í höndum vegabréf eða annað ferðaskilríki, sbr. norræna vegabréfaeftirlitssamninginn frá 12. júlí 1957 um afnám vegabréfaskoðunar við landamæri milli Norðurlandanna.  Einstaklingar þurfa þó ávallt að geta sannað á sér deili. 

Ísland er aðili að Schengen samkomulaginu en kjarni þess er m.a. að tryggja frjálsa för einstaklinga um innri landamæri samstarfsríkjanna. Að meginstefnu er hægt er að ferðast um á Schengen svæðinu án þess að framvísa vegabréfum á landamærum. Þess er hins vegar krafist að þeir sem þar ferðast hafi meðferðis gild persónuskilríki til að þeir geti sannað á sér deili hvenær sem þess er krafist. Íslensk vegabréf eru einu skilríkin sem vottað geta um ríkisfang íslenskra ríkisborgara innan Schengen og er þess því krafist að þeir hafi þau ávallt meðferðis.  (Undirstrikun mín, V.). I rest my case.

Þetta sýnir, að Íslendingar geti farið til hinna Norðurlandanna án þess að hafa vegabréf meðferðis, en ekki innan Schengens ef uppfylla á ströngustu kröfur. Eins og ég sagði áður, ef Íslendingur sem staddur er á Schengen-svæðinu er beðinn af yfirvaldi að sanna á sér deili, þá dugar ekki ökuskírteini. Í mörgum löndum er gefinn út skilríki, sem jafngildir vegabréfi, en það gera íslenzk yfirvöld ekki, eins og sést fyrir ofan. Hvað varðar þetta atriði var það Critic og ekki ég sem var að bulla. Hins vegar er örugglega hægt fyrir Íslendinga að ferðast innan Schengen árum saman án þess að lenda í "stikkprufukontrol" og án þess að þurfa að leita til opinberra stofnana erlendis. Hins vegar, á meðan þessi stikkprufuregla er í gangi og á meðan íslenzk yfirvöld ekki gefa út önnur skilríki, sem jafngilda vegabréfi, þá mun ég ætíð bera mitt vegabréf á mér hvert sem ég fer utanlands. Svo held ég að hótel í t.d. Frakklandi biðji um eitthvað meira en ökuskírteini. Þegar ég hef gist á hótelum, hef ég alltaf þurft að sýna vegabréf og stundum fæ ég það ekki aftur fyrr en ég fer af hótelinu.

Almennt varðandi Schengen: Á öllum síðum ESB, þá er Schengen-kerfið dásamað fyrir ferðafrelsi. Hins vegar hefur það ekki fært Íslendingum neitt betra en það sem var fyrir. Við þurfum samt að ferðast með vegabréf til að lenda ekki í útistöðum. En þetta ferðafrelsi sem á að vera svo gott af því að ekki þarf að sýna vegabréf þegar keyrt er yfir landamæri skiptir ferðamenn með ríkisfang í Schengenríki, sem eru á ferðalagi 2svar eða 3svar á ári  engu máli. Flestallir sem ég hef talað við hafa aldrei haft neitt á móti því að sýna vegabréfið sitt, enda með hreint mjöl í pokanum. En það án efa mikið þægilegra fyrir ferðamenn frá "þriðja landi" sem ferðast til Schengen-lands að geta farið til annars lands á svæðinu án þess að þrefa við landamæraverði, enda hafa þeir oftast þurft áður að fylla út hitt og þetta og síðan þurft að eyða tíma í að svara spurningum og ekki getað bara veifað vegabréfinu framan í landamæravörðinn. Þetta er einnig hagkvæmt fyrir þá sem búa í einu landi, en vinna í öðru og þá sem ferðast mikið í sambandi við vinnu sína. Fyrir mig persónulega hefur Schengen ekkert gert, ég fæ ekki legur flotta stimpla í vegabréfið mitt  og ég man þegar ég keyrði fyrst yfir þýzk-frönsk landamæri (við Mulhouse) án þess að stoppa. Ég stöðvaði samt bílinn, labbaði aftur að skýlinu og fór að leita að landamæraverði, en landamærastöðin var alveg mannlaus. Grautfúlt, að þessir mætu menn og konur höfðu misst vinnu sína, bara til að ég gæti sparað nokkrar mínútur.

Hins vegar styð ég heilshugar að landamæravarzlan milli USA og México verði minnkuð verulega og snúist eingöngu um einfalda fíkniefnaleit og ekki meira. Bandarísk yfirvöld skulda mexíkönum það eftir að hafa mergsogið México áratugum saman, ekki sízt eftir gildistöku hins illræmda NAFTA-samnings.

[Kolbrún Hilmars, 9.7.2010 kl. 17:57]

Takk Vendetta, síðasta athugasemdin þín var mjög skilmerkileg. Mér var skemmt þegar þú nefndir stimplana.

Ég notaði þessa stimpla nefnilega alltaf sem eins konar ferðadagbók og hljóp jafnvel inná landamærastöðvar í mið-Evrópu til þess að fá stimpil í vegabréfið mitt því þar var yfirleitt aldrei stimplað.

En þeirri stimplagjöf lauk löngu fyrir Schengenaðild okkar, eða þegar einn þýskur landamæravörður tilkynnti mér að því miður gæti hann ekki stimplað: "Entschuldigen Frau, aber Ich habe keinen Stempel."

[Friðrik Jónsson, 10.7.2010 kl. 08:51]

Það mætti halda að vegabréf væri á stærð við ferðatösku miðað við hvernig sumir tala,ég hef ferðast mikið undanfarin 30ár og hef bara aldrei átt erfitt með að komast úr landi hvort sem ég ferðast vestur eða um evrópu.

Ég vann í leifsstöð í 12ár og Schengen er bara vesen og ég myndi aldrei fara úr landi án vegabréfs,mitt er það flott það passar í vasa og angrar mig ekkert,sannar að ég kem frá friðsömu landi Íslandi sem flestir þekkja orðið.

Það á að takmarka innflutning frá austantjalds löndunum,við ráðum ekkert við þeirra glæpamenningu,erum ekki eins forhert samfélag og viljum ekkert verða það